• ×

07:26 صباحًا , الأحد 17 ديسمبر 2017

القوالب التكميلية للأخبار

"العنزي": إعلام تبوك لم يخدم الشعر .. وأميل بطبعي إلى "المحاورة"

زيادة حجم الخط مسح إنقاص حجم الخط
ياسر العتيبي: 
"تزاحم الفكر في راسي من اللي حصل
وتعبّثت في بيوت الشاعر وعالمه
واستنكر الواقع اللي عنه ما ينفصل
ويحس بالظلم لو يدري بمن ظالمه"
هكذا عرفنا الشاعر إبراهيم بن عطالله العنزي، أحد شعراء تبوك الورد، بنفسه، والذي عرف بكتابته للنظم وعشقه المحاورة، حيث التقت به "صحيفة تبوك الإلكترونية" في لقاء ماتع فإلى تفاصيله:*
* متى كتبت الشعر وإلى أي صنوفه تميل؟
- كتبت من مدة طويلة، ولكن البداية الفعلية من أربع سنوات، وأميل إلى شعر المحاورة طبعًا.
* أول محاورة لك كانت مع من؟
- المحاورات الأولى مع شعراء المنطقة كاتب خلف العنزي، وبدر الثبيتي، حمد الخمعلي.
* مَن مِن شعراء المحاورة الأكثر بروزًا على الساحة لعب معهم إبراهيم العنزي؟
- الشاعر زيد العضيلة، وعبدالله بن عتقان، وخالد العصيمي، وبدر العير، وفهد فايز الخياري.
* شاعر تود اللعب معه؟
- حبيب العازمي، وفلاح القرقاح.
* أبيات فتل ونقض بينك وبين شاعر محاوره لا تنساها؟
-مع الشاعر الكبير زيد العضيلة، حيث يقول:
هلا يا مرحبًا يا شاعر الويلان رقم ثنين
ورقم ثنين بالخانات ما يبعد عن الأول
انا بنشدك وين انت متخفي ثم جيت منين
ابيك تروح لا راع الشداد و قول له حوّل
قلت:
يدوم الك البقا لو كان ترحيبك على وجهين
وش اللي تطلبه من بيننا وأظن متسول
تدوّر للإجابة و السبب منكم ثلاث سنين
تراني من سوالك يا العضيله صرت متهول
* نعود للنظم وأقرب القصائد إليك؟
- كل قصائدي قريبة إلى قلبي، ولكن الأقرب "يجي ويروح" والتي تقول:
ضيقة الصدر منها .. كل شاعر يبوح
ولا يقول الشعر .. شاعر بليّا غرض
*ترجم الشعر شيٍ وسط صدري يفوح
يحكي الواقع اللي عكسه المفترض؟
*ظاهرة بالزمن هذا .. وبرقه يلوح
وليت الإنسان من هالسالفة يتعض!
*الأطبا تعالج ما حصل من جروح
غير جرح الصديق .. اللي علاجه مرض*
الصداقة عظيمة .. كم تبنّي صروح
تثبت أن الصداقة حبلها ما انتقض!
*والصديق الكفو يبقى بعيد الشبوح!
يشبه الصقر دايم للعلا ينتهض
*وأن بغيت الصراحة يا الجناب السموح
خل بالك وسيع وبالوفا محتفض
*وخل هرجك صحيح .. وعيش طبع الوضوح
ولا تجامل على نفسك .. ولا تعترض
*كل واحد على كيفه يجي أو يروح
العلاقة مع أهل الطيب ما تنقرض
* ماذا عن رأيك في الإعلام في تبوك؟ وهل خدم شعراء النظم والمحاورة؟
- غائب كليًا ولم نرَ منه أي خدمة.
* رسالة تحب توجيهها للشعر والشعراء في تبوك..
- لإخواني الشعراء أتمنى أن يدركوا رسالة الشعر السامية والرقي بمستوى الشعر وتسخيره في خدمة الدين والمجتمع، وأن يهتموا بالمادة الشعرية المميزة.
* رسالتك فيها من الجمال والحكمة لتسخير الشعر في خدمة الدين والمجتمع، والأجمل أن تسمعنا قصيدة بهذا الخصوص..
- يالله عفوك وغفرانك بكل اتجاه
يا واحدن خالق المخلوق لعبادته
الواحد اللي لأحد مثله ولاحدٍ سواه
اللي يمشّي جميع الخلق بإرادته
ويا للي تسمّع كلامي فاستمع للوصاه
اللي كلام الجزالة للعرب قادته
حافظ على صومك وحجك وفرض الصلاة
اللي بيوم الحشر بين البشر زادته
واعمل وجاهد ذنوبك واجتهد بالزكاة
يا كم غنيٍ فلوسه مات ما فآدته
وجالس رجل مستواك يليق مع مستواه
ينصحك وانته معه لو البشر كادته
واليا دعاك الكفو بالوقت وجهٍ و جاه
أخير من سيّدٍ ما لاق في سادته
وقبل الختام اسمعوا بيتين في منتهاه
هذا حديث الرسول وطبقوا عادته
ثنتين مغبون فيها الآدمي بالحياة
فيها يحصل لبيب العقل سعادته
الصحة إمع الفراغ أكبر كنوز الغناه
يندم عليها ليا راحت ولا فآدته
* كلمة أخيرة.. لمن توجهها؟
أشكر "صحيفة تبوك الإلكترونية" بكل طاقمها، وأشكرك شكرًا خاصًا على تشريفك أخي *ياسر العتيبي، وعلى جهودك وأتمنى لك لتوفيق.

 2  0  2413
التعليقات ( 2 )

الترتيب بـ
الأحدث
الأقدم
الملائم
  • #1
    03-22-2016 07:53 صباحًا ابو راكان :
    تستهل ياسر كل الشكر على جهودك واتمنى لك التوفيق يالغالي
  • #2
    03-21-2016 03:36 مساءً ابو بدر :
    شاعر مميز ونتمنى لك التوفيق والى الامام