• ×

03:18 مساءً , الجمعة 16 نوفمبر 2018

القوالب التكميلية للأخبار

"صحيفة تبوك" تصدر عددًا خاصًا للشاعرات بعنوان "ولاء 15سبتمبر"

زيادة حجم الخط مسح إنقاص حجم الخط
سراب الويلان: 
‫في إطار رؤيتها الوطنية ودعمًا لأبناء الوطن من فنانين ومبدعين، تصدر صحيفة تبوك الإلكترونية، عددًا خاصًا للشاعرات السعوديات تحت عنوان "ولاء 15سبتمبر"، والذي تم إعداده بمشاركة عدد من الشاعرات؛ تعبيرًا عن انتمائهن الوطني وولائهن للقيادة الرشيدة.‬



الشاعرة مريم العتيبي
حنا معــك ياســيـــدي دوم قـــدام
في كــل ماتطـــلب وتأمر رضينا
حنا سلاحك بالوطن درع وحزام
ياســيدي "سلمان" لإرضاك جينا
ياظــــلنا ياحــــزمنا كـــل الأيام
ندفــع عـنا روحــك براحة ايدينا
لاتلــتفت بالــلـي يسـوون الافلام
حـــنا معــك فــي كل حاله وحينا
تبــني سواعـدنا منـارات الأحلام
تنشـاف نهـضـتنا ســواحل ومينا
شامخ علمنا ينّعَرف رمز الإسلام
فَـخراً تنَومـس عـنده المــسلــمينا
مع الملـيك الشـعب وافـي ومقدام
وأرض السعـودية بأمانٍ حصينا


الشاعرة هند الفهيد
قل للوطن حبّه بقلبي طبيعه
مـ احتاج أثبت له بحفلة وميعاد

أرضٍ ترابه من ترابي مـ ابيعه
تفداه روحي و كل مالي والاولاد

هذي بلادي دايماً بالطليعه
هامه على الهامات عزٍ و رواد

واللي نواها بالمضره صنيعه
يعود له بالذل والهون بزناد

دار السعود تظل دايم رفيعه
نذود عنها كلنا رجال واجياد


الشاعرة لؤلؤة الدوسري
‏‏الموطن اللي بكل العز متسلح
‏لايقلقه في أمانه من يخونونه
‏مادام بالفخر والأمجاد متوشح
‏يبطون كل الطغاة انهم يطولونه


الشاعرة بدر البدور
غانم سعد مع مجتهد والعصايب
حراك سبتمبر على كل ممسوس !

ذاك العدو صرتوا لشرّه ركايب
سواد وجه اللي اكل عقله السوس

اللي جعلكم فيه بوم الخرايب
من يستمع للبوم ياكود منحوس ؟!

حراككم والريح عصف وهبايب
قرطاس علكٍ طار والعالم جلوس !

هذا الوطن يعصى على كل خايب
خايب رجا مِيِّس وتافه ومتعوس !

هذا الوطن نشعل لعينه حرايب
مهما دفعنا دونه اجساد ونفوس

هذا الوطن لاجله نسَوّي عجايب
من معجزاتٍ تعطي العالم دروس !

لاجل المليك بحول جزل الوهايب
بالقلب يبقى عهدنا دوم مغروس

سلمان حزم العزم ضربه عطايب
رب اجعله دايم من الشر محروس

بالأمر شعبه له جيوش وكتايب
نَارَد حياض الموت ولدربه ندوس

بالحرب شعبه جِنّ نار ولهايب
نمشي على قوله وَلَانترك رسوس

من يذكره بالسوّ وبقول عايب
انقَطّعه بانياب واسنان وضروس !

واللي نبح بالليل وبصوت غايب
قولوا ترى كبده على السهم والقوس


الشاعرة أميرة السراة
‏تفاخري يالمملكه بالبطولات
‏لقنتي العالم دروس وعجايب

‏انتي عظيمه في جميع المجالات
‏وقدرك تعلى فوق ذيك السحايب

‏سلمان ياسلمان رجل المهمات
‏ايران ذاقت منك ردع وكرايب

‏وبأو بخيبه والفشل له علامات
‏بوجه روحاني حسيرا وخايب

‏لهم سنين يفربكون العصابات
‏وتجهزوا بشجيوش تبغا مصايب

‏تبغى المدينه والحرم والمطافات
‏بحثالتن تهوى الفتن والخرايب

‏وفي ساعتن سلمان بقوى العبارات
‏في غفلتن ماحسبوا له حسايب

‏أشر على الحد الجنوبي إشارات
‏لحزم الجيوش وطايراتن سرايب

‏دكوا جبالا في اليمن للعصابات
‏تزلزلت لين استوت بالترايب

‏نصرا من الله معتلي لسموات
‏وايران مذعنها لدفع الضرايب


الشاعرة مريم الزهراني
الله يزيدك عز ياموطن العز
مكانتك ترقى على كل الاوطان

رايتك مرفوعه ولايوم تهتز
بالمملكه نفخر ونفخر بسلمان

مليكنا بالعدل والحزم له رمز
حكيم في كل المواقف ولاهان

الكل يشهد له ولاعماله انجز
ويشهد له التاريخ في كل الازمان

كل الدول تسمع لسلمان وتفز
سياسته تمشي بحنكه وميزان

ابو فهد كل التعابير تعجز
تعجز عن اوصافه قصايد وقيفان


الشاعرة شموخ الويلان
نجدد البيعه ولا نخون العهود
مع هل العوجا ولا فيها كلام
نقهر العدوان ونغيظ الحسود
للملك طاعه ولمحمد سلام
الولا موجود من عهد الجدود
محتمين الدار من عهد الامام
الحكم لله ول ال السعود
ولا علينا في محبتهم ملام


الشاعرة الكنز المجهول
هيهات ياخالي من العقل هيهات
لاتجمع اصفوفك ولا ترفع الصوت
المملكه ماهزها كثر الاصوات
من دونها قوات ماتعرف الموت


الشاعرة بروق بدويه
هاض القصيد وفز قلبي لطاريه
والليل يطربني وزانت مساريه

وتسابقت كل المعان الجديده
اخترت منها كل ماطاب واهديه

باصدق مضامين الوفاء والمحبه
لاغلى (وطن )ياجعل شعري يوفه

محبتهٍ جاشت بصدري على الملا
صبيتها صب المتيم ....! لغاليه

ياموطني دام الغلا وسط خافقي
وف الروح مسكانه وعيني تراعيه

افْخر وانا افخر والملايين! تفتخر
لانك تروم المجد بااعلى مراقيه

اسم (السعوديه) وعالٍ مقامها
الدين منهجها.! تطبق مباديه!

سلمان حاميها من البر! للبحر
الحد يشهد له .! وفعله يكفيه

دارٍ على اسمه سميت يوم عيدها
هو عزها اللي كل صرحٍ يعليه

عسى مراديف السحايب ليا نشت
تمطر ويزهر كل شبرٍ وترويه

ياموطني من صادق اشعور قلتها
انت الغلا اللي واضحٍ في معانيه

 0  0  1623
التعليقات ( 0 )