• ×

02:31 مساءً , الجمعة 16 نوفمبر 2018

القوالب التكميلية للأخبار

القصيد المنتقى لشعراء الملتقى 19

زيادة حجم الخط مسح إنقاص حجم الخط
سراب الويلان: ‏

الشاعرة شجن
ويترنم من الذكرى على جرح الشجن موال..
تغنى به صدى صوتي وأنا ياصاح مقهوره..
أرتبني على وزن العنا وآكلّم السلسال..
على جيدي وأنا كني من السلسال مأسوره..
أسولف له عن طعوني وانا صمتي يهد جبال..
واضم الحزن وآلِمّ الشتات وباقي الصوره..
كسرتك داخلي والجرح لاضقنا كريم وصال..
وانا والحب واحساسي ثمان سنين جمهوره..
تعبت من السفر فيني..كرهت الحل والترحال..
أدورني وأجمّعني وأضيع وكنت مكسوره..
ذكرتك..ليتني انسى مدام ان الوصال محال..
ودمعه لاطريت تهل من ذكراك معذوره..
هنا عطرك..هنا صوتك وذيك أوراقنا والشال..
تلحفته حزن فرقا... شقا ودروب ممطوره..
كتبتك بالرسايل..وين ابلقى للهنا مرسال.؟!
نظمتك بالقصيد اللي يدسك داخل سطوره..
وتتساقط مواعيد الغرام ومايدوم الحال..
خريف الحب يقفاه الشتا ويجمد شعوره..
سهرتك ليلة البارح..قبل اغفى بكى السلسال..
رميته مع جميع اشياك..لكن كنت مجبوره..!


الشاعرة مريم الزهراني
سلامتك يمه و بالروح نفديك
يا اعز و اغلى من بدنياي حبيت
يا فرحة ايامي و انا بين اياديك
يانبض قلبي في صباحي ولاامسيت
يا تاج راسي من عنا الشوق اناديك
مقصره ... أدري ولا فيك ... بريت
يمه وجودي من وجودك وطاريك
يا نور عيني سامحيني لو ابطيت
ياما عطيتي من حنانك ولااوفيك
و ياما بطيبك .. يا غناتي تباهيت
يا جنتي و رضاي من حبي اجيك
صوتك يسليني و بااسمك تغنيت
من كل خيرٍ أسأل الله يعطيك
يامن تهلي بي وتفرح الى جيت
ويلبسك ثوب العافيه ثم يرضيك
حتى دعائي مانسيتك و بديت


الشاعرة الكنز المجهول
انا من دار طيبه طاب فالك
ديار امي وابوي ودار جدي
تكدر خاطري والجسم هالك
ظروف الوقت ماجتلي بودي
بدار المصطفى يرتاح بالك
ولو مريت بالصدفه معدي
ألا يادار طيبه من جمالك
ملكتي كل إحساسي ووجدي
نطوف الكون مانلقى بدالك
أماري فيك في هزلي وجدي
واشوف البعدعن دارك مهالك
وفيك القى هنا روحي وسعدي
يطيب القلب لا منه عنا لك
وانا منساك في قربي وبعدي
غرامة في صميم القلب مالك
ولك شوقي وتفضيلي وودي
وانا من دار طيبه طاب فالك
حجازيه وفخري دار نجدي


الشاعرة سميره العتيبي
‏يكتب التاريخ مجدك في سجلّه
‏ياسليل المجد يا وافي الخصال
‏سيف جدانك على الباغي تسلّه
‏ياعريب الساس يافخر الرجال
‏يامحمد فيك من صغرك جْبلّه
‏الرجوله فيك برهان وفِعال
‏وارثٍ الطيب من شامخ محله
‏ياوريث الطيب من عم وخال
‏ياشبيه معزي بدقه وجلّه
‏وفيك من سلمان تقوى وإتكال
‏حظ من ينصاك يبشر بك هل ٍله
‏يانصير الحق حكمه واعتدال
‏جعل حسَّادك يموت بغيظ غله
‏وأنت يحفظك الولي رب الجلال
‏كم غفرتوا للعدو عشرين زله
‏طغمةٍ تاريخها زيف وضلال
‏يْتخبط لين رجله ما تشله
‏قاصرٍ شبره ولا نال الطوال
‏والله إنا لا وردنا والله والله
‏ما نصّدر لين نشرب من زلال
‏وغيم فكري لا زهمته هلْ كله
‏وابلٍ مايلقـح الا بالجـزال
‏من عتيبه والوفاء به يشهد الله
‏للمليك وللـوطن مابه جـدال
‏والله إنا للوطن ريفه وظله
‏ومن نوانا يبشر بيوم الزوال


الشاعرة عوسج
‏‎إلــبــس قــنــاع وبــدل وجــيــه بــوجــيــه
‏‎بــبــقــى خــطــاك وغــلــطــتــك لـو تـنـدم
‏‎بــبــقـى عـلـى وجـهـك أثـر ويـن تـخـفـيـه
‏‎ضــحــكــه بـلا مـبـسـم وصـرخـه بـلا فـم
‏‎مـانـي بـثـوب آلـيـا انـقضى العيد تطويه
‏‎ولانــي بــخــيــل الـجـيـش لاشـاب يـعـدم
‏‎مــن قــالــك يــرتــاح مــن فـات مـاضـيـه
‏‎أو مــن قــتــل مــعــذور لــو مـاسـفـك دم
‏‎يــا قــاتــل أحــلامــي بــفــرعـون أيـاديـه
‏‎لــك مــوعــدك لاجــيــت تــجــتــازنــي يـم
‏‎يــتــحــطـم شـراعـك عـلـى مـركـب الـتـيـه
‏‎حــتــى مــجــاديــفــك بــبــحـري تـحـطـم
‏‎والــي رحــلـت و غــايــتـك مـــــا تــلاقـيـه
‏‎لابــــد تــــتــــألــــم مــــثــــل مـــا تـــألـــم
‏‎تــعــبــر مــحــطــاتــه تــمــر بــمــوانــيــه
‏‎فــي درب مــوحـش تـالـي الـلـيـل مـظـلـم
‏‎تــلــبــس قــنــاع تــبــدل وجــيــه بـوجـيـه
عــلــى أمــل تــنــســى ويــتــبــدد الــهــم
و يصيب وجهك من عنا العمر تشويه
‏‎و أبــقـى خــطـاك وغـلـطـتك لو تــنـدم


الشاعرة بروق السراة
خلها تكتب كلامٍ ماتعرْفه
وتجمعه نثرٍ وتشدو به قصايد
والله إنها ما تميز غير حرفه
لوبدى في نحرها مثل القلايد
والله إن تبطي وهو شعرٍ تصفه
من بعض ذيك المجله والجرايد
ياهوى قلبي وياذوقه وشفّه
ياابتساماتي وياحلم الوسايد
أنت سحر الحب في عطفه وصرفه
وأنت نظم الشعر في جزل الفرايد
وأنت حبٍ ممتلئ طهرٍ وعفه
من غدى شعري لضيقاتي ضمايد
والله إن قلبي مثل طيرٍ ورفه
لا همى الهتان وأغرق له حصايد


الشاعرة عيون المها
يا ابو فهد ماجور في فقد منصور..
مأجور في حجم الألم والخساره..
ماجور في اللي راح ماكمل الدور..
اللي خذاه الموت حين احتضاره..
شبلٍ ..تسابقه المنايا على الفور..
شافت.. مواريه النبا والجساره..
شافت مكانه بين الأنهار والحور
ونادت على رجل الفخر والنماره
قالت سكنك بجنة الخلد معمور..
تخاسرت .. فيه الحياة ومراره.
واقفى وهو مؤمن وراضي ومسرور..
وتبدلت .. في حكمة الرب داره..
جعله بجنات الولي يملك قصور ..
كثر.. القلوب اللي بكته بحراره..
لوح يسلم كنه يحس بشعور..
اللي.. مفارق دون موعد زياره..
كنه.. يوصي يايبه راح منصور..
وداعتك ( عبطا )عن الحزن داره..
لا تبكي امي دمعها يوجع صدور..
وتضيق.. لضيقتها الحياة بمداره..
اصبر على فقدي وبالصبر ماجور..
لا تبكي ..عيونك دموع بغزارة..
مثلك ..ليامنه بكى تلطم بحور ..
واتزلزل ..اللي ماتزلزل وقاره..
تكفى ليامن عبرتك وصلت الزور..
قل .. راح لله راضيٍ بأختياره..
شهيد واجب حي يرزق وبقصور..
أخيير.. من دنيا الفنا / والإماره..
وعتك ..عيالي عن الحزن والجور..
ياجامعٍ رحمه / وطيب / وطهاره..
قفيت.. برجالٍ لهم فعل مخبور..
جتنا ( ملائكة ) السماء بالبشاره..
ان الشهيد بمنزلة ( سيد ) النور..
وياحظ.. منهو صفوة الخلق جاره..


الشاعرة أشجان نجد
الورد مات ولا لقى من يصونه
والمشكلة موته على يدين ساقيه
بين الجفا والزجر جفت غصونه
والي..؟؟؟؟زايدٍ في تماديه..!!!
الصدر ضاق..وضيق القلب كونه
والعين أرست دمعها ليش ترجيه
من باع فينا وأشترى وش ضنونه
وش غيره بعد الغلا خاب ساعيه
فاض الحنين ..وسامر الشوق لونه..
وأرسل معاناته وصفق معاديه...
نفسي عزيزه من نسى من يبونه
أنساه لو كانت عيوني تراعيه


الشاعرة رَوَاسِي الهيلا
تدري بعد ماشفتك وقلت ..حلّي
خبيت حبك عن عيون الملاقيف
الغصن طاب..ومزن الاشواق ..هلّي
وتعانقت بيض السحايب مع الطيف
جيتك يسابقني ....من الشوق ظلّي
الله* ياحظّ (ن).....يضمّ المواليف
جيتك وله جيتك غلا ...جيت كلّي
مابيني وبينك ياخلّي....... تكاليف
الوصف في حضرة جنابك.... مقلّي
لان الشعور يفوق ...حدّ التواصيف


 1  0  2036
التعليقات ( 1 )

الترتيب بـ
الأحدث
الأقدم
الملائم
  • #1
    01-23-2018 06:24 صباحًا أنفاس الفجر :
    شجن ابدعتي ابدعتي ابدعتي

    عوسج اخذتيتي لبعيد لله در الخرف ومن هو له