• ×

03:35 مساءً , الجمعة 16 نوفمبر 2018

القوالب التكميلية للأخبار

شعراء و شاعرات يتغنون بالوطن

زيادة حجم الخط مسح إنقاص حجم الخط
سراب الويلان: ‏

الشاعر فهد الثمالي
‏عامٍ مضى بالعهد علّه مية عام
‏امبايعين ويشهد الله علينا
‏ذكراك ماهي عندنا عدّ وايام
‏ذكراك نبض قلوبنا كلّ حينا
‏يامحمد العز الكفو انت مقدام
‏ثوب الزعامه اليا لبسته يزينا
‏فعلك تجاوز كل ماخط الاقلام
‏ياسيّد النهضه وحلم السنينا
‏ترجمت واقع كان للعين قدام
‏وخليت واقعنا يسابق يجينا
‏الله عطاك الفكر واعطاك الالهام
‏ واعطاك رؤية خير منّا وفينا
‏يامهندس الرؤية ويامحقق احلام
‏تسلم يدينك قبل تكتب يدينا
‏دندون حازم نسل ساده وحكام
‏دندون واحلف دونها لك يمينا
‏قول وفعل مثبوت بانجاز وارقام
‏كلمتك سيف وراي عقلك حصينا
‏اللي بذراك ايعيش بالصف قدام
‏ويحيد من عاداك تحت ومَهَيْنا
‏الله يِحَفْظَك سيدي بخير وانعام
‏ويعينك الله خير منهو يعينا


الشاعر الراقي
المجد حنا هله......... والعز لمحمد
‏والنصر حظ الوطن في وقفة رجاله

‏منا الولا ياطويل ....العمر يتجدد
‏وهذا وطنا عزيز ....وطيب" فاله

‏راس" على المجد والطولات متعود
‏مايشتكي من ثقيل الحمل لاشاله

‏ولاهو عن العز والهقوات متردد
‏فوق الثريا طويل العمر منزاله

‏باكر نرز البيارق...... فوق ونعيد
‏وعدونا بحسرته باقي على حاله

‏ماهمنا هرجة الحوثي ولا السيد
‏حنا هل الفعل لامن كبرت القاله

‏باكر نجيب العدو مهزوم ومقيد
‏مكسور باسه وقيد الذل يبراله

‏تاريخنا يشرح.... الوقفات ويأكد
‏انا حمينا الوطن رجلي وخياله


الشاعر عبدالعزيز الفدغوش
‏يا مهندس الرؤية ويا رمز الإصلاح
‏يا من جهودك ما تبي زود توضيح

‏يا صقر سلمان المعالي والإنصاح
‏عامٍ مضى بجهدٍ مضاعف وتصحيح


الشاعر الدكتور حامد غندور الشمراني
‏حنّا جنوب المملكه ياللي تسب اهل الجنوب
‏تبقى المراجل والصفات الطيبة بعروقنا
‏وحنّاهل التسبيح من وقت الفجرحتى الغروب
‏وحنّا نتباشر بالكلام الزين لانه ذوقنا
‏وحنّا على حد الوطن من يوم ذعذاع الحروب
‏وحنّا هل البلجيك واسيوف المعارك والقنا
‏وحنّا الرّجال اللي عطانا الله على فك النشوب
‏نعطي الرجال احقوقها ولا تضيع احقوقنا
‏وحنّا الرّجال اللي تبان بوقت تشتد الخطوب
‏نورد حياض الموت ونقول الشهادة شوقنا
‏وحنّا صقور الجو لاقال الملك هبت هبوب
نرمي عدو الله ولا يقدر يحلِّق فوقنا
‏وحنّا كما حاتم نشب النار ونزيد الشبوب
‏والضيف يلقى واجبه ونسمّعه من طرقنا
‏ميرانت يامسكين وش عندك سوى قلبٍ رهوب
‏ماتقدر اتواجه ولا تقدر تسابق سبقنا
‏وحنّا قبائل نحتمي في العرض ونفك الكروب
‏واحنا كما صفق البحر واحذر تقرّب صفقنا
‏وحنّا قبائل صيتنا معروف مابين الشعوب
‏نحمي الوطن شام وجنوب وغرب حتى شرقنا


الشاعرة هند الفهيد
‏نجدّد البيعة ولا به مِنّه
‏واللي يـِـعــزّ الديـن حنّا اتباعه

‏درع الوطـــن حنّا جميعاً حنّا
‏و يابو فهد السمع لك والطاعه

‏و لـ محمد تجدّد وهي ممتنه
‏وأحلامنا مجدافها و اشراعه

‏وعيدك مبارك ياوطنّــا مـِنـّـا
‏ورد المحبة والتهاني اوداعه

‏وآمـالنـــا واموالنـا لــِك جِــنه
‏و ارواحنا لاجل الوطـن طواعه

‏جند ودروع ومن يسيء الظِنّه
‏يبلاه ربي بـْ نيــّتـه واطمـاعـه

‏وحكامنا على الذكــر والســنه
‏متعاضدين إلى قيـــام الساعة


الشاعر متعب الفهيدي
‏هــذا مـحـمد شـامـخن فــي اعـلوه ...
‏هــذا الـوطـن هـذا سـليل الـبطولات

‏هـــذا ولـــد سـلـمـان عـــز وحــمـوه ...
‏هذا الوطن شامخ شموخ السراوات

‏وهــــذا مــحـمـد لـلـعـهـد والاخـــوه ...
‏هــذا الـتـواضع لـلـشجاعة عـلامات

‏هـــــذا ولـــيــك يــالـعـهـد والـــمــروه ...
‏هـــذا سـفـيـر الـمـمـلكه بـالـمـنصات

‏هــذا الـصـقر الـيـا شـلع زان جـوه ...
‏هــــذا جـبـلـنـا مـرتـكـي لـلـمـهمات

‏هـــذا سـلـيـل الـمـجـد مــاهـو بـتـوه ...
‏هــذا مـعـزي حـاضرن فـيه مـامات

‏هـــذا الـوطـن مـكـه وطـيـبه سـمـوه ...
‏هـــذا وطــنـا واركـــدو يـالـخواجات

‏وهــذا الـمـواطن لـلـوطن صــار قـوه ...
‏هـــذا الـتـكاتف رمـزنـا يـاالـقيادات

‏هــذا هــو الـتـاريخ وان شـع ضـوه ...
‏هـذا الـسعودي وانـشري يالمحطات


الشاعر عبدالعزيز ابراهيم العنزي
الفرحة اللي ماتقدر بالاثمان
‏بانت على وجه الشباب السعودي
‏حقق امانيهم سلايل كحيلان
‏محمد ابن سلمان نسل الفهودي
‏نبايعه سمع وطاعه واحسان
‏على كتاب الله خير معبودي
‏حر قهر طهران واذناب طهران
‏له هيبة فاقت جميع الحدودي
‏تفخر به الامه على طول الازمان
‏يضرب على الكايد ويرقى سنودي
‏اركى على الحوثي شضايا ونيران
‏ايوالله انه بالملاقى يذودي
‏شبيه جده راعي المجد والشان
‏شبل تربى في عرين الاسودي
‏ولي عهد المملكة طير حوران
‏عريب خال والعمام السعودي
‏ياديرتي خيرك على كل الاوطان
‏الخير واجد والرخاء والركودي
‏في ضل سلمان الحزم حي سلمان
‏ابوفهد مروي عطاشا الكبودي


الشاعر طلال الطرقي
‏ياسيدي محمد ويا عالي الشان
‏بلادنا بأعلى القمم مستواها

‏للمجد والأفعال قبلة وعنوان
‏من دون شك مهجد اللي نواها

‏أفعالكم ياسيدي خير برهان
‏كلٍ تمعن بك وكلٍ قراها

‏في رؤيتك تحيّرت كل الأذهان
‏حتى عرفنا أعدائنا ومن معاها

‏كانت أمانيهم هدم كل بنيان
‏لكنها خابت قبل مبتداها

‏كمل مسيرك سيدي ياكحيلان
‏إنت الكبير اللي يحقق مناها

‏محنكٍ فطرة ومن بيت سلمان
‏ميزات ربي غيركم ماعطاها

‏واللي مع الشيطان صاروا له أعوان
‏آشر وتعرف ويش منا جزاها

‏حنا خلقنا الله سلاطين شجعان
‏نقدم لو إن الموت واقف وراها

‏من فضل ربي ننعم بأمن وآمان
‏ومن ثم فضل رْجال تفدي ثراها

‏مبيّضين الوجه في كل ميدان
‏كلٍ يقول الدار روحي فداها

‏الله يعز بلادنا كل الأزمان
‏والله يعزك ياذرانا وذراها


الشاعر حميد العقيلي
‏الممكله تقول عيدي على طول
‏العيد مهو يوم والا ثلاثه

‏عيدن حقيقي يثبت القول بفعول
‏من عهد ابو تركي ورثته وراثه

‏واليوم في عهد الحزم صادق القول
‏سلمان فزعة طالب الاستغاثه

‏وجنوده الابطال شجعان وزحول
‏بالعزم ذيل الفرس حان اجثاثه


الشاعرة مداهيل
يامعزي الثاني و يا الشامخ الطود..
‏يا نجل سلمان الحزم ياذرانا..

‏انجدد البيعه و لا نخلف وعود..
‏ونصدح بعالي الصوت نعلن ولانا..

‏سمعاً و طاعه يبايعك طفلً و عود..
‏و الويل للي بالاذيّه ......نوانا..


الشاعر حميد العقيلي
‏الممكله تقول عيدي على طول
‏العيد مهو يوم والا ثلاثه

‏عيدن حقيقي يثبت القول بفعول
‏من عهد ابو تركي ورثته وراثه

‏واليوم في عهد الحزم صادق القول
‏سلمان فزعة طالب الاستغاثه

‏وجنوده الابطال شجعان وزحول
‏بالعزم ذيل الفرس حان اجثاثه


الشاعرة العنود الواصلية
‏نادت مواقيفه على قمة المجد
‏وين انت ياغاية مرامي وعزي !
‏ٰٰ
‏ورجع لها معزي بعد شوقه لنجد
‏سبحان من جدد ليالي معزّي !
‏ٰ
‏هذا محمد طيب الراس والجد !
‏اللي يجز روس المعادين جزيّ
‏ٰ
‏عزّ السعوديه على حلمـها جّـد
‏خـلا علمها فـ كل قمه يــرزي !
‏ٰ
‏في رؤيته شفنا الطموحات والجد
‏هزت طموحاته المعادين هـزي !


الشاعرة شواهق نجد هيلة القحطاني
‏‏نجدد البيعه على مر الأعوام
‏لمحمد اللي كل صعبٍ يزمه

‏ليث على عرش المهمات ضرغام
‏وإن قال قولٍ لازم إنه يتمه

‏حنا لعينه كلنا درع وحزام
‏على يمينه في الأمور المهمه

‏يقودنا نحو المعالي والإكرام
‏من قمّه لقمّه الى راس قمّه

‏برؤيته نستشرف الدرب قدام
‏نور يقدّي باحلك الدرب غمّه

‏من نسل سلمان العرب ذخر الاسلام
‏إمام وابن أمام و من خيرة أمه

‏مليكنا الحازم وجازم ومقدام
‏وحنا له أطوع من يدينه لفمه

‏يقودنا بالعز ونقول قدام
‏لو يطلب الشعب السعودي بدمه

‏نرخص له الغالي ولا حن بنلام
‏في قلبه اللي كل شعبه يضمه


الشاعر الراقي
‏أرض الديانة، والنبوة، والأمجاد
‏ياموطن الأحرار دمتِ عظيمه
‏.
‏أرض ، وملك والشعب ،والخير يزداد
‏في عهدكم يا سيدي…… مستقيمه


الشاعر ضيف الله السميري
‏‏تجلاّ عن عيون القصايد سبات النوم
‏بعد شمّرت بكفوفها عن سواعدها

‏تخيل المديح اللي يضد الهوى ويزوم
‏تشيله مطاليع الثريا على يدها

‏من مْعزي اللي لمّ رايه شتات القوم
‏لـ سلمان نبراس الطليعه وموجدها

‏تبين الرؤى وتحدد المشهد المرسوم
‏وٓلٓا يختلف بنيانها عن قواعدها

‏لفٓت بكر رؤية سيدي ما معاها توم
‏تميز بها واعلن هدفها وموعدها

‏خطط سيدي سلمان من راسه الصمصوم
‏مٓ هو كل من حاول يقلد يقلدها

‏بعيد النظر ماياخذ من العلوم علوم
‏وٓ لٓا يعترض ركب الطراقي وينشدها

‏يكرّس جهوده في زراعة بذورد اليوم
‏واذا زان مطلاع الثمر فيه يحصدها

‏عطا مطلق الالهام وقت ومساحة حوم
‏مثل ما زرع في بيئته ما يساعدها

‏زرع في فياض الفكر ما يثري المفهوم
‏على شان تنمو في بلادي مواردها

‏بـ فكره وفكر محمدينه ذرى المضيوم
‏مقاضب يدينه فـ اللزوم وسواعدها

‏عِماد البلاد اللي عليها الكيان يقوم
‏الايمن محمدها والايسر محمدها

‏هِذي صفحةٍ من مجد فيها ثلاث خْتوم
‏على سلّم التطوير تُبنى مقاصدها

‏تقوم الشعوب اللي لها فـ النجاح عزوم
‏وٓلا يستثير عزومها غير قايدها

‏بعد حط لـ آفآق التطور سما ونجوم
‏بناها على حب المعالي وشيّدها

 0  0  4205
التعليقات ( 0 )