• ×

02:54 مساءً , الجمعة 16 نوفمبر 2018

القوالب التكميلية للأخبار

القصيد المنتقى لشعراء الملتقى 20

زيادة حجم الخط مسح إنقاص حجم الخط
سراب الويلان: 

الجوهرة الوايلية
‏ليت الشعور اللي تملكني قليل
مغبونه ومالي سوى صدق الصبر
.
صدري من اوجاع الزمن صاير هزيل
يعجز يشيل اللي معه كل العمر
.
اخاف من فتحٍ بصدري له صهيل
يعبث خفاياي يزيدني هم وقهر
.
اصعب واشد احساس نفسك لو تميل
للبوح وانت احساسك اصلٍ يحتضر
.
ودي اسولف لكن الخاطرثقيل
واسج بين الناس لو زولي حضر
.
واضم في صدري نبا الصبر الجميل
وانسى وجع دنياي والوقت العسر


سدرة المنتهى
‏يارب ياعلام ماخفاه صدري
‏ترزق فؤاداللي حلا النوم ماجاه
‏يبي الرضا والعفووالوقت يجري
‏طالبك ياوهاب حقق له مناه


روح الخمعلي
أنت الحبيب اللي له الروح تشتاق
وانت الذي من بين خلق الله أغليه

وأنت الذي أرخص على شانه أعناق
ومايهمني من لام او قال لي ليه

يكفيني أنك تملك إحساس واخلاق
وغيرك من الأجناس ماظني أبيه

ماعاد لي حيله على ملك الأشواق
شوقي لو ابغى اوصفه مقدر أحكيه

وش عاد باقي أصبح القلب عشّاق
للغالي اللي فز قلبي لطاريه


فوز الحربي
‏ابنشد اهل الحب لن كان يدرون
ويش حيله اللي غاب عنه حبيبه

اقفى وخلاني مع الناس محزون
وصارت حياتي من بعدهم غريبه

ليته يحس بلوعتي كيف بتكون
ياليت يعرف ويش حصل في مغيبه

الكل يسال ليه واقول مجنون
من غيبة الاحباب هذي مصيبه

امشي مع العالم وانا كلي طعون
ومن شاف حالي قال حاله عجيبه

اقول انا طيب وانا عايش بهون
من واهجن بالصدر شبة لهييبه

عايش ولكن بينهم صرت مسجون
مسجون في حبه ولاهي معيبه

الحب ماهو عيب والكل يدرون
واللي يعيب انقول ربي حسيبه

انا اشتكي حالي على اللي يعرفون
ومجربين الحب عاشو بخيبه

فيني امل يارب يمكن يحسوون
في حالي اللي من بعدهم مريبه

واطلب من الله لو بحالي يروفون
وتبرى جروح وسط قلبي عطيبه


فجر الجنوب
‏خلوني اكتب واتسلى بالابيات
‏عن خافي المضمون لا تنشدوني

‏انثر شعوري في حروف وعبارات
‏الفكر فكري ما يخيب ظنوني

‏اسري معه عبر البحور ومحيطات
‏ابدع قوافي من خفايا شجوني

‏ابغى اتفنن في جميع المجالات
‏دام الفكر مطواع والكون كوني

‏الشعر فيه إحساس وآخر خيالات
‏وادها فكر لا زرت عالم جنوني

‏دايم* يجملني بنظم الجزيلات
‏وافي لمعنى الشعر واغلى زبوني

‏الاخبار ماتحتاج برج* اتصالات
‏وضوحها معقود بأفضل لحوني

‏كل الصعايب في عيوني، سهالات
‏ماني بمن يسلك دروب الغبوني

‏كثر البكاء ما رد لي كل ما فات
‏واللي مضى محفوظ داخل عيوني

‏هيهات لو يرجع* ولو بس لحظات
‏لاشطب على الحاضر واسدد ديوني


دلال القحطاني
‏كتبت الشعر يوم اني سكت وللسكوت اسباب
كتبته واثرني* في* لجة*** احزاني** شقاويه

حسبت اني عمودٍ* ثابتٍ* ما* ينثني* لو* شاب
أثاري الضيم* ما يرحم* و لو* عشته** شبابيه

كلامٍ صابني سهمه من اللي كنت أظن اقراب
نتق*** نتقة** عدوٍ** يرقب*** يهيض* ضواريه

سلامٍ يا غيوم الصيف واحلامٍ* تجي و تغاب
تهادي وامطري* فيني عسى* غيثك* يواسيه

ماعاد الناس* يعنولي بعد* ما غلقت* لابواب
عرفت اللي يبي قربي من اللي* باع* طاريه

وكان الوقت قدّم لي طعونه فيّ دون اعتاب
فانا* اللي قد* صبرت* بليلةٍ** كانت* ظلاميه

يغيب الكون من حولي ولاكني عرفت احباب
وهو** حال** البشر* دايم** نهايتهم** وداعيه


ريوف القوافي
على هاجس الذكرى نبض خافقي، واضناه
حــنـيـنٍ لــــه الـمـعـلوق ...يــعـزف مـواويـلـه

حـضنته وسط صدري ..وفي داخلي مرباه
ولـــيــفٍ قـــســى قـلـبـه..وشـح بـمـواصـيـله

احــبـه واحــطـه فــي عـيـون الـغـلا وارعــاه
لــيـا شـفـتـه اسـتـانـس و عــانـق تـفـاصيله

حـسـبت الـطـريق الـلي تـحدر مـعه مـمشاه
يـسـوقـه هــنـا يــمّـي ..يـسـامر قـمـر لـيـله

اثــر وجـهـته صــارت لـغيري ..ونـا اتـحراه
تـخـيـب الـهـقـاوي وازرت الــروح تــاوي لــه

وفــي لـوحـة الـماضي لـمحته وبـعض اشـياه
وصــمـت الـعـتـب يـعـكـس ظـنـونه واقـاويـله

اطـالـع بـقـايا الـلـي زمـانه ...عـبرني وتـاه
ولا صـابـنـي وبــلـه... ..ولا مــرنـي سـيـلـه

ولـيـل الـجـفا ...يــذرف دمــوع الـعـنا والآه
عــلـى نـغـمة الاحــزان ... شـانـت تـعـاليله

تـذكّـرني اهـمومي ..بـماضٍ عـجزت انـساه
رضــيـت الـهـجر واقـفـيت مــن قـلـة الـحـيله

عـطـانـي وعـــد يـرجـع وغــاب الـوعـد ويــاه
طـمـس قـبـل مــا يـرحـل ..مـلامـح تـمـاثيله

ولــيـت الــزمـان يـعـود ..يـنـهي الــم فـرقـاه
وغـصن الـوصل يثمر ....ونجني محاصيله


روح الخمعلي
أنت الحبيب اللي له الروح تشتاق
وانت الذي من بين خلق الله أغليه

وأنت الذي أرخص على شانه أعناق
ومايهمني من لام او قال لي ليه

يكفيني أنك تملك إحساس واخلاق
وغيرك من الأجناس ماظني أبيه

ماعاد لي حيله على ملك الأشواق
شوقي لو ابغى اوصفه مقدر أحكيه

وش عاد باقي أصبح القلب عشّاق
للغالي اللي فز قلبي لطاريه


عزيزه آل ثامر
‏قصيدة رؤية ٢٠٣٠
على مهار القوافي ساريه يالهاجس الطربان
سريتك ليل وافكاري ضياها اللي يقديني
بعدها ياخلايا الفكر هاتي غالي الاثمان
وجودي بالثمين اللي ينومسني ويرضيني
طراة الشعر لامنه تغنّى في ولاء الاوطان
وليا مني زهمته هاجت بحوره تلاحيني
تباهي يالجزيره طاب حظك مع ولد سلمان
حكيم الراي له في هامة العليا عناويني
وله مستقبلٍ وافكار بنّاءه وشانه شان
ولَه هيبه ..وله سطوه..دمارللمعاديني
ورؤيه ثاقبه ومحنك سيس لها لأركان
يعيش بها المواطن ماشتكى فقر ولاديني
أمرفي متحف اسلامي ينافس معظم البلدان
نسف رأس الفسادوحقق احلام الملاييني
فتح باب السياحه ثم تطرّق نهضة العمران
وقال المملكه بتصير بأمر الله بساتيني
على نهج الشريعه والعقيده ثبّت البنيان
وخاب اهل الضلال وخابت افكار المجانيني
تغنّي يالسعوديه وغنّي دام حظك زان
ولك منّي الولاء يادولةٍ بالخير تحويني


شواهق نجد
الهوى والليل واطراف النخيل
والبحر وانسامه وجذع شْجره

ركني الهادي بعد ليلٍ ثقيل
وصمتي اللي مثل صمت المقبره

والفراق وسطوة البعد الطويل
وذنبي اللي ما لقى له مغفره

طيفك ْليا مرّ بالطرف الكحيل
قمت ادور للورق والمحبره

أرسمك فارس معه سيفٍ صقيل
يقطع البيدا وسيفه يشهره

انخذل من ربعه وشاف الحصيل
مافتر حيله ولا قصْم ظْهره

الوفاء مطلوب لو مدك قليل
فاطرٍ قلبي ولا جبت خْبره

جيتني ما كنت عابر للسبيل
ولك فوادي غادي ٍمستعمره

شامخة هامه وانا طبعي نبيل
لو عطيت القلب ماباستكثره

من عناك الجرح لكفوفي حصيل
من يلم أشتات قلب ٍبعثره

كن في صدر الشقاوي دبك خيل
أو تقل مرت عليه مجنزره

مابقى لي الا أنت يالصبر الجميل
كسر قلبي يالله إنك تْجبَره


العنود الواصلية
لو حبني ماهو متحمل ذهابـي
ولافكر بصده ولا جور الاهمال
ٰ
فقدت من صدته كامل صوابي
ومابرر بـ عـذره ولاهمـه الحـال !
ٰ
ماحبني .. الاَ يموت بـ عذابي
بينه وبين دمـوع عـينـي تغـزال
ٰ
حاولت في وصله وبعده سطابي
وانا ماحب أطرد مقفين الازوال !
ٰ
وان جيته بمكتوب طنش كتابـي
كنه يبي للبعد نشـده ومدخـال ؟
ٰ
مالد في حبـي و دافي عتابـي !
الواضح ان مالي بخافقه منزال
ٰ
وان كان يبغا عقب صده جوابي
غنى بها قافي على كل مــوال !
ٰ
قولوا له اني ضايقه من ثيابـي
نويت أقفـي عـنه والحـب زوال !
ٰ
ابضرب فجوجٍ وساعٍ رحابـي !
مادام ثـارت بينا حـرب و قتـال
ٰ
وااالَله ماحسـبت فيها حسابي
كنت احسبن ايامـنا طيبة فـال
ٰ
كان الوداع من الثمان العجابي
عندي سواليف الجفا مزح وهبال
ٰ
يا فرحت الشامت ليامن درابـي
عقب المحبه صارت علـومنا هزال
ٰ
لكن ابشري عزتي بـ غترابـي !
انا بدون العز ماسوى ولا ريال
ٰ
والله يرزقه العـوض في غيابـي
بنتٍ تعزه عقب فرقـاي و عيــال
ٰ
ولا انا ؟ سـلمت مفتـاح بابــي !
وحرمـت من عقبه اسلمه رجـال


نوف الشمري
الخساير يوم توجع ماهي بالحظّ الشحيح
لا ولا هي بالّذي ربي من ايدينك خذاه
ان بغيت الجد مني اسمع الحكي الصحيح
لو تضيع اموال جيبك اوتخسّر بالحياه
ماتسمّى بالخساره قلتها قولٍ صريح
اسمع الحكي المفيد اللي يوديك النجاه
الخساره يوم تترك دمعة الغالي تطيح
والدك حذراك تنسى طيب فعله اوجزاه
‏مايبيّن لك عذابه حتى لو قلبه جريح
دايم الدعوات لاجلك يطلب المولى عطاه
فرحته لمّا تزوره لو هو بفراشه طريح
وان بغيت الرزق من ربي يثيبك بالغناه
‏الغناه اللي تزيدك بالسعاده تستريح
سرّها عند الّذي رباك لو تكسب رضاه

 1  0  852
التعليقات ( 1 )

الترتيب بـ
الأحدث
الأقدم
الملائم
  • #1
    07-04-2018 04:13 صباحًا فتاة الشارجة :
    دائماً وابداً
    حيثما يكون اسم سراب الويلان
    سيكون للابداع والتميز بصمته
    شكرا سراب
    شكرا للشاعرات والشعراء
    قلتم وابدعتم
    ونظمتم من الجواهر اجمل عقد