• ×

03:20 مساءً , الجمعة 16 نوفمبر 2018

القوالب التكميلية للأخبار

القصيد المنتقى لشعراء الملتقى 22

زيادة حجم الخط مسح إنقاص حجم الخط
خاص: ‏

جايز المليحان
وطيت [ في دربي ] حقيرين وصغار
وانذال واصحاب المصالح والاوباش

وطيتهم في [ رحـلة الطيب ] والكـار
ولاهـمني خبل ن مع الطيب ماهاش

طبعي كذا [ معروف ] يا جنه او نار
ماعندي اعرافـن ولا جـسرْ وهواش

واللي لقـيته عـفن لـه سيف بتار
واللي لقيته [ كـنز ] لـه قـلبنا حاش

[ النفـس ] ما تـقـبل رديين وحقار
مالله خـلقها تلـقط حـثال وعراش

وياللي تظـن الوقت دفّـان الاسرار
والكلمة العوجا غدت تحت الفراش

لا بـد [ مـا تنـبشـك ] الايـام بـاقدار
تظـهر خوافي ما كتمته على الماش

النـاس تصـنيفـه على اخيار واشرار
ويالعنبو راس ن على العز ما عاش

وانا سليل ملوك وشيوخ واحرار
مطنوخ من يومي وللطيب حـواش

آطـى على خشم البغيضين باصرار
ابناخـي الطيّب مني بنـاخي اللاش



محمد بن لقفص
جبرني على خوة عديم الضمير اظروف
وانا والله اني ماني اللي يخاوي لاش

لكن مثل ما قال المثل خلها وتشوف
مصير الليالي تكشف اللي يكن الجاش

مصيرك تشوف اللي عن المقديات يطوف
ويجحد وفاك وتنثني من وفاك بلاش

لذ الناس في هذا الزمن عينة وصنوف
احد يعتني بأهل الجمايل ولاخر ماش

وعز الله اني من بعض لخويا مكسوف
لقيت الصدود و ذقت حر المواجع كاش

عسى الله لا يسقي زمان الترف والروف
زمان به الطيب ومن يستحي ما عاش

زمان التحايل والتباغض يجيب الخوف
يخليك عن بعض اخويا هالزمن تنحاش

هذاك اول اللي كان فيه التعب مخلوف
وكان الوفاء بين البشر ما وراه اخشاش

ويا كل واعي جاك علمي وشوف وطوف
وفكر بعين العقل واحذر يجيك ارباش

وخلك من اللي خلف طعن الوفا ملهوف
وما جاك من حر التعب ما يروح بلاش

ولابد تعرف من تعامله بالمعروف
لا تنغر بالمظهر ترى الكسر خلف الشاش

ولا كل مخلوق بهذي الصفة موصوف
ولاني بشتم الناس ساعي ولا غشاش


صقر المزروعي
تنفضني العزه نفض وهْوي من القمة حدر
على الـذي ماعاد به سمتٍ يـردّه ومستحا

ما كل كلمة عــابره نتـرك مساعيها هدر
لكننا نحشم عـرب تمسح على شمط اللحا

يا من وصلت لّغايتك من بعد ما غاب البدر
الليل كان فْـ أوله تطحن غياهيبه رحـا

الشعر ما كله شعر بعضه تلطخ بـ الغدر
واللي غدربه بالفكر لا يحسب العالم جحا

يسرح بلا فكر ٰوٌعي ويهيم في وادي سدر
يخبط ويتّخبط ولاٰيدري عن الوقت ان صحا

يا فاقد ٰشعور الوعي مخلوق من ماي ومدر
كم واحدٍ حط العشم في نصب عينه وانمحا

بعلّمك شـيٍ خفـى عن ناظـرك عجز وٌ صدر
خصصتها يوم الفكر سن السكاكين وشحا

((من كان ما بين العـرب بـ فعاله الذربه ندر
يبقى مثل شامة على خد الزمن وين انتحا))


سلمان المضياني
حلوه زياده ومحلا طعمها ساده
ومجمل حلاها ....اذا زادت مرارتها

مع ريحة الهيل والمسمار وقناده
لو جات مره.. على لساني حلاوتها

فديت منهو قطف بنه من بلاده
وفديت منهو ضبط بالنار حمستها

عنوان طيب الفقير وكشخة الساده
يكفي عن وجودها بالكون شهرتها

الكيف لامن فقدها يعلن حداده
ادمن على جوها وادمن غلاوتها

ياكيف الايام ..ياصبحي وميلاده
ياروعة الفجر لاحركت حبتها

ولا عاود اعصير جمعاته و ميعاده
من عزت ارجال تكبربي معزتها..!!

في مجلس اللي ورث طيبه من اجداده
يستقبلك قبل كفه طيب ريحتها

ومابين برد الشتا والليل كالعاده
جمرٍ توقد وليل يشيل سمرتها

ويلاعب النار ذيبٍ ينفض ارقاده
يزل دله ...ودله شال ليفتها

يطربك صوتٍ يفك الراس وعناده
وسط الفناجيل محلا صوت نغمتها

مع كل شفه تحس النار وقاده
يالعنبوها على المشتاق شفتها

مثل المزايين للميراد وراده..!!
صفت دلال تنومسني بصفتها

متخصره والمعنق مابه قلاده
ازين من قلادته لاشفت وقفتها

سجيت معها وانا الافكار منقاده
مابين لون الشقار ولون رغوتها

كني اطالع ملامح مهرتي غاده
تاخذ من البن الاشقر لون خصلتها

لكن غاده حلاها سكر ازياده
يانكهة الشوق لاستطعمت نكهتها

بيت الغلا ثابتً في صدري اوتاده..
واقفت ولاذقت نكهتها وروعتها

والناس بالناس مشغوله ونقاده
ماهمها غير روحتها. وجيتها

وانا وغاده وجفنٍ يتعب سهاده
لاهتز فنجالها بالروح هزتها


سالم الدهام
البارحه نظرة أوراق القصايد عتب
على محابر حنين الذات قبل أسنتين

قفى خليل القصيد اللي جنابه ذهب
راح وترك كل شي إلا أصدّق الدمعتين

تتبع خطاوي رحيله ما كسرها تعب
على ضفاف المقابر صبها ركعتين

عيني على الدمعه الغراء تدور سبب
أيلين طاحت صبابتها وطاح أبكتين

وحاولت أضحك صبابتها ولا الله كتب
ياشمعتين. الليالي طفيت الشمعتين


ماجد المقوعي
لا تختلق عذرك على شان فرقاك !!
ياخي بليا عذر ! لا عفت ،، فاارق

انا مطرّب خاطري قبل لقياااك
وعلّي من وسم الليالي ،، مطارق

عايش معك ! وان رحت ، عايش بلياك
ماهو معاي ان جيت وان رحت فارق

مادام بايعني ،،، وانا شاري ارضاك !!
تلقى البيارق ،، من يصون البيارق !


الدكتور ممدوح
على البال مر طيفك
وقلبي من البعد
مجروح.

طار نومي بذكرك
وعمري ما نسيتك يا روح
الروح.

أنتظر ليلى ونهاري وصلك
وخدي من الدمع
مذبوح.

وصبري اشتكى من هجرك
وقلبي لعالمك
مفتوح.

أناديك بأعلى صوت إرجع لحبك
وصوتي تعب
مبحوح.

أنتظر بين الأماكن أحتري طيفك
يمكن ألمحك تيجي
وتروح.


مهدي العطوي
يومي ترى كله سعادة وتوفيق
لا من تصبح في عيونك عيوني

أحب اطالع بك بنظرة وتحديق
الصبح في عينك يزود جنوني

والورد في خدك تفتح بتنسيق
يا نرجس الاحساس يا زيزفوني


ابو غزيل الشهراني
اه يا ضيــفً بعـيــني كان ســـــاكن
لـيـه مليت العيـــون وزّرت خــدي

قل قــدرك يـــوم غيـرت الأمــــاكن
وان بغيت الصـدق مــا هـذا بودي

في حنايا الصدر لي اضيوفً تــراكن
بـان مــن سبـتـك مـــا خباه سـدي

والحظـوظ اللي علـــى حالي تداكن
وادري الـذكــــرى تجيب ولا تودي

وجد حالي يا غروسـن لي و شـــاكن
استشاكت شــوكها جــــراح يدي

وا هني اللي بقلبـه ظل مــاكن
له بيـــوت الشـعـــر معسولً تندي

مهتـني واعيــوني الحــــزنى تـبــاكن
واللـيــالي واقـفــــه عيت تعـدي


محمد الثوعي
اسمع كلام الحق بالله ياحسين
ما ينشد الحاجه سوى من فقدها

عندي ادله يارفيقي وبراهين
أقلط الحجه وعندي سندها

ما دام قدامي رجال(ن) ميامين
القاضي يقضي حجتي ما نقدها

والحكم يرضي عارفين القوانين
من يفلج الثاني حقوقه وجدها

أدل دربي واعرف الشين والزين
والناس مثلي ما تخلي جهدها

مبداي ثابت من قديم(ن) وهالحين
اسلك دروب(ن) فاز من هو قصدها

الطيب يبقى منهج(ن) سنه الدين
وحسن التعامل بالشريعه عمدها

نرحل من الدنيا ما حنا مقيمين
والمسعد اللي جنته قد حصدها


فرج العجمي
متى نعيش احلامنا واقع ونرتاح
نسلم عناالتفكير والهم والضيقي
ايامنا راحت وحلم الصبا ... راح
راحت مراح الطير حرن طليقي


فهد الثمالي
لوبغيت تقول لفراقي تعال
جيت لفراقك ولا همي لقا
ماطلبنا الحب باسلوب السؤال
الله اغنى عنك يا ليل الشقا
مارخصنا العمر لك على اي حال
عمرنا أغلى من اللي مابقا
الكرامه فوق هامات الجبال
والنفوس تشوم شاريها رقا
عايشين بوسط نفسن ماتزال
غاليه يتعب خفوق اللي هقا
طيبنا غطى عليك بكل جال
والكرم بنفوسنا طبع ونقا
روحنا اعذب من الماء الزلال
والخفوق اوفى من اعهوداصدقا
وجايني هالحين واحلامك خيال
لاتناديني انا وانت افرقا
بيننا عالي جبل واسفل هيال
انقفل بابك لوانك تطرقا



 0  0  806
التعليقات ( 0 )