• ×

04:08 مساءً , الخميس 29 يوليو 2021

القوالب التكميلية للأخبار

الشعراء و الشاعرات يتغنون شعراً ببيعة الملك سلمان الرابعة

زيادة حجم الخط مسح إنقاص حجم الخط
سراب الويلان: ‏
الشاعر حاكم مشعل المعلا
image

اقــول لك شي ٍ تـشاه
اريّحك؟.و ارتاح انا!!

هذا الوطن كلٍ خشاه
مـحـد ٍقدر يـجـتاحـنا

من يعـتـقـد إنّا عشاه
نـبـدا بـه بمصباحنا

يا هـمّلالي . يالوشاه
دون الوطن بسلاحنا

اليا شبك خط المشاه؟!
واشتد نزف اجراحنا !

نجي مثل نــو ٍ نشاه
ساقه هبوب ارياحنا

على نواظرنا. غشاه !
ويــن انت.يا ذباحنا !!

حذفة دلو معا رشاه
يوم انْحذف بـ رواحنا

الكل يحمل.في حشاه
حب الوطن لاصاحنا

الشاعر عبدالمجيد العمري
image


الشاعرة ميلاف الشعر
من سارعي لـ المجد كبرنّ الأحلام
عشنا وحُبك ياوطن عاش فينا

أشرق من إرضك ياوطن نور الإسلام
وإهـداك ربي قـبـلـة المـسـلـمـيـنـا

حُبك بدى من صغرنا ذيك الأيام
نشرب من أنهارك غلا ما ارتوينا

يابو فهد شعبك لك دروع و حزام
متـوكـل/ن باالله وبه يستعينا

ومحمد اللي لـ المهمات مقدام
حنا معه لو قال لـ الموت جينا

واللي رفع راسه ندوسه بالاقدام
هذا جزاء اللي بالخطا يبتدينا

لا ثار فالهيجاء دخاخين وعسام
أفعالنا تحكي بسطوة يدينا

مهما يحاول كل حاسد ونمام
نثبت وعن تخطيطهم ما درينا

الفرد منا ينطح جموع و اخصام
على المواقف و الشجاعة ربينا


الشاعر عبدالعزيز الفدغوش
image
يا دولة التوحيد يا تاج الأوطان
يا قبلة الإسلام يا مهبط الدين

يا ملتجأ المضيوم في كلّ الأزمان
يا أطهر ثرى وآمن وطن بالبلادين

يا قلعة الأمجاد وحقوق الإنسان
يا غيث شَعْبـك والعرب والمـوالين

بين الدول يا دار الإيمان لك شان
يا مشـــرقة بشعار نخلة وسيفين

يا درة البلدان يا رمـز الإحسان
وفي خدّمتك للدين عــزّ ٍ و تمكين

حزتي وفزتي بالثناء سرّ وإعلان
وفي حُسن تنظيمك تشيد الملايين

شادت لك الهيئات في كلّ ميدان
وأثنت عليك حشود ناس ٍ ملبين

الله وهبك العزّ والأمــن وإيمان
وبانت جهودك في جميع الميادين

شـــواهـد الإنجاز بانت للأعيان
يا شامخة في موقف العسر واللين

يفدى ثراك ومـاك حاقد و خـــوّان
والمرجفــين الحاسديـن المعـــادين



الشاعر محمود آل مخلص
من دار اخو مريم صباح المجد والراي السديد
سلام يادار الملوك اللي مواقفهم ثبات

دار الملوك وديرة التوحيد والمجد التليد
أرض الشيّم وارض الاباء وارض المروءة والتقات

في عهد سلمان الحزم والعز والفكر الرشيد
في عامه الرابع يبين النور من كل الجهات

والبيعة اللي عامها الرابع مثل طلع النضيد
في ذمة الشعب السعودي والوفا سيد الصفات



الشاعر ابو نبيل
الحمد لله منشي السحاب الثقال
والأرض باسطها وعلا جبالها

ربي ولا غيره عليه الاتكال
الواحد الوهاب اللي عطانا افضالها

ومن بعد ذكر الله اشوف الحال حال
والخيل في الميدان من خيالها

لا شاش راسي ورزيت العقال
وشلي بماقف كان ما يهز اعقالها

ما يطول الطويله كود الطوال
ولا القصيره كل واحد طالها

الماقف اللي ما يجملني بين الرجال
اصد عنه اخاف تالي اقوالها

ترو الهزيله ما تجيب غير الهزال
وزلة لسانك تسير بوها وخالها

الشعر كا السيف للشاعر عند النزال
يختار المفرده الجزله ويعنا لها

الحر يبقى حر لو عليه الوقت مال
والحموله الثقيله يرتكي لثقالها

يا من سأل عن دارنا واثنى السؤال
المملكه بيت العرب وحنا عيالها

سلمان قايدنا وحنا له حسبة عيال
في حرب ولا سلم درع الوطن ورجالها

الوطن دونه رجال صامده مثل الجبال
ما تحسب للعدا ولا الحروب واهوالها

من عاش منهم عاش عمره للنضال
ومن مات منهم تذكره اجيالها

الوطن شامخ ومنتصر في كل مجال
ومن مات دونه عسى الشهاده ينالها



الشاعر فهد الثمالي
‏الوطن لي بيت والحاكم ابو
هوذرى للبيت بعد الله اكيد
عاش سلمان البطوله واسألوا
كاتب التاريخ للمجد التليد
مايهون البيت وجنوده حموا
حده الغالي بيدّن من حديد
ياديار العز يا اصحاب السمو
الوطن للمعتدي دونه شهيد
مايهاب الموت دونه لو هقوا
نارنا تسعر وحيل الله شديد
من يخون الدارواصبح له عدو
عاش بالذل المهين اعمى شريد
ومايهم اللي حقد واللي حكوا
الوطن شمس المعالي والفريد
يامواطن ياحضرنا والبدو
البنا بيدينكم دايم يزيد
الوطن واحدعلى قلب اشهدوا
والعهدباقي الى يوم الوعيد



الشاعر موسى العنزي
image
سلام يا دار الكرام ، الحشيمين
ديرة هل التوحيد اهل الشهامه
مهبط كتاب الله وارض الحرمين
ومبعث نبيٍ قادنا .... للكرامه
محمد اللي بين الحق ، تبيين
نوره سطع بالكون وادبر ظلامه
اسس قواعد دولة العدل والدين
منهاج نتّبعه ليوم .... القيامه
وساروا على نهجه رجالٍ تقيين
لين فتحوا فارس وعادوا لشامه
من بعدهم سادوا ملوك وسلاطين
وكلٍ نهج نهجه واسس نظامه
وتغيرت بعض الشرايع قوانين
وكلٍ يقدم ما يناسب ... عمامه
والجهل عم وساد بين الفريقين
حتى وقع بالشرك اهل اليمامه
ثم انبرى بالعلم والشرع ليثين
محمد بن سعود والشيخ إمامه
تبايعا بالعهد في العسر واللين
اما النصر والا تزول .. الملامه
وتحقق المقصود في عدة سنين
عم الامن والخوف قفّا عسامه
وتتابعوا حكام نجد ، الميامين
آل السعود اهل الكرم والزعامه
ساروا على درب الرجال الوفيين
اللي لهم بالمجد رسم وعلامه
وجاها ابو تركي زعيم السلاطين
وتوحدت له من شمال لتهامه
اعياله الوافين في الدرب ماشين
لين وصلت سلمان قاد الجهامه
قال انعمي يا دار بالامن تبقين
يموت خصمك ما يحقق مرامه
واللي يروم المملكه فاله الشين
يبي الخلاص ولا تشيله ، عظامه
المملكه دونه رجالٍ صعيبين
اهل الشجاعة والوفاء والصرامه
يالله تنصرهم على كل ، باغين
من اهل الضلال وكل نذل وهلامه
ويا دار يا دار الرجال ، العزيزين
تجملي بالعز ... و ارخي كمامه
حبك بدمي جاريٍ ، بالشرايين
خوذي تحايا الود بازكى سلامه
وصلاة ربي عد ناسٍ ، مصلين
على النبي واعداد وبل الغمامه



الشاعر المهدي بن تركي
image
image



الشاعر سعود الحريري
image
image



الشاعرة أشجان نجد
بــيـعـة ولاء وإخـــلاص عـــامٍ بـعـدعـام
ذكـــرى عــزيـزه لـلـوطـن أربـــع سـنـين

حــلــق ولانـــا لـلـفـضاء عــبـر الإعـــلام
يــنـقـل مـشـاعـرنـا بــصــدق وبـراهـيـن

مـلـيـكـنـا ســلــمـان بــالــحـزم عـــــزام
درع الــوطـن حــامـي عــهـودوقـوانـيـن

قـــاد الـبـلـد بـإنـجـاز حـكـمـته واقــدام
عــصـر الـتـطور فــي جـمـيع الـمـيادين

ومــحـمـدالــلــي لـلـصـعـيبات مــقـدام
مــرسـي زمـــام الـمـجد حـنـكه وتـمـكين

عـاشـت بــلادي شـامـخه عــز وإكــرام
ســيـرة فــخـر واجـــلال تـعـزيـز لـلـدين

الـمـمـلـكـة دار الأمـــــن دار الإســـــلام
يا اجمل قصيدة عشق في داخل العين



الشاعر مهند العزو
نعم قالوها على مر السنين
كبار وصغار وجميع السعوديين

‏انجدد البيعه على العهد وافين
‏ومانستمع لأهل النفوس الضعيفه

‏نعلن ولانا لك على العسر واللين
‏وراعي الفتن دايم عيونه كفيفه



الشاعرة اصايل نجد
قمة وفاء ياقف لها كل وافي
بقيادة القايد زعيم البطولات

سلمان عز الدين جوده مضافي
وابوفهد عدا النقاء والجمالات

الله يديمه مودع الخير ضافي
من شرق والا غرب عسر وسهالات

ال سعود مطوعة كل جافي
بأمر الإله اللي خذا بالعدالات

يحفظهم الرحمن من كل خافي
يامودعين من الجزاله روايات

سلمان توج نهج حرفي وقافي
فيه الشعر خلد بجوده سجلات

من نجد لحجاز النقاء فيك طافي
الى خليج الخير ذكر ومروات

المملكة في عين سلمان تافي
للجار والزاير بجود وعلاوات

ولي عهده ساق عرفه وشافي
ادنى مداراته تشوف المجرات

تشهد على وقفات جده مرافي
من نجد لحدود خذت بالجزيلات

هي مملكتنا زود والحب صافي
تبقاء بنهج مروضين الصعيبات

حكامنا درع الوطن ياالسنافي
تمثلت بطويق راس الطويلات

زاف العلى ياخذ من الطول زافي
لاغطرفن هاك المهار الجميلات

واهل النقاء واهل القلوب النضافي
يحفظهم الرحمن رب البريات‏

 2  0  1058
التعليقات ( 2 )

الترتيب بـ
الأحدث
الأقدم
الملائم
  • #1
    12-15-2018 01:47 مساءً عبد المجيد العُمري :
    كل الشكر والتقدير لصحيفة تبوك وشكر خاص للأخت الشاعرة : سراب الويلان
  • #2
    12-12-2018 02:43 مساءً أشجان نجد :
    شكرا جزيلا لصحيفة تبوك المتألقة